Beskrywing
AGTERGROND
Die deurklokkie lui net toe Sarie en haar ma gaan sit om tee te drink.
Wie kan dit nou wees?
Hulle verwag sekerlik nie ’n groot, harige, gestreepte tier nie!
Die tier wat kom tee drink het is ’n kinderverhaal wat vir die eerste keer in 1968 verskyn het. Dit handel oor ’n meisie, haar ma, en ’n pratende tier wat hulle onderbreek terwyl hulle tee drink. Ná veertig jaar bly dit steeds ’n gewilde boek wat onder andere vir die verhoog aangepas is en ’n Facebook-blad het met meer as 23 400 volgelinge.
‘n Klassieke boek!
OOR DIE OUTEUR
Judith Kerr (1923) is ’n Duits-gebore Britse skrywer en illustreerder van pragtige prenteboeke soos Die tier wat kom tee drink het en ook ernstiger boeke vir ouer kinders soos die outobiografiese When Hitler Stole Pink Rabbit, wat die Tweede Wêreldoorlog uit die perspektief van ’n kind skets.
OOR DIE VERTALER
Shané Kleyn (1986) is sedert 2010 Protea Boekhuis se kinder- en jeugboekredakteur. Sy het reeds verskeie kinderboeke uit o.a. Engels en Nederlands in Afrikaans vertaal. Hierdie boeke sluit in:
Die groot boude-boek, Dirkie en Die wikkelboude-dansie (Guido van Genechten)
Tobie Welgemoed en sy ongewone troetelgoed, Die eier en Viskos (M.P. Robertson)
Die wraak van Knor (Tosca Menten & Elly Hees)
Die groot boek van groot dinosourusse (Alexander Frith & Fabiano Fiorin) en
Die voëltjies se ABC (Piet Grobler)
LESERSPROFIEL
Kleuters, Voorskool en jong jeug
Resensies
Daar is tans geen resensies nie.