Agent Alex: Uitgesorteer! (2)

Description

AGTERGROND

Spioenkop Akademie is ’n eksklusiewe skool vir seuns en meisies van ouderdomme 8 tot 18. Al ons leerders is in hierdie skool omdat hul ouers of voogde op ’n manier betrokke is by die Geheime Diens. Spioene en geheime agente stuur graag hul kinders na Spioenkop Akademie, want hulle weet die kinders is hier veilig teen enige bedreiging. As die Geheime Diens hulp nodig het van die jongelinge vir een van hul geheime sendings, of as een van die skorriemorries van daardie verfoeilike organisasie, die Pioniers van Onderduimsheid en Vernietiging (POEV), probeer om die skool oor te neem, of een van ons onderwysers ontvoer, sal ons leerders reg wees.

Alex en sy vriende is hard aan die leer vir hulle SAK-eksamen – want om die Spesiale Agente-Kursus te slaag is nie speletjies nie!

Maar wanneer die vraestelle uitgedeel word, is daar duidelik ’n skroef los: Elke leerling kry ’n kompetisie-inskrywing waarmee ’n pragtige stel potte en panne gewen kan word! Is dit regtig net ’n poskantoor-glips … of is dit POEV (die Pioniers van Onderduimsheid en Vernietiging) se werk?

Kan Alex en sy vriende die geheim agter die poskantoor-petalje oplos?

OOR DIE OUTEUR

Justin Richards is ’n gevestigde Britse skrywer van romans, draaiboeke en kinderboeke. Hy woon saam met sy vrou en twee seuns in Warwick, Engeland.

OOR DIE VERTALER

Amelia de Vaal het Europese Tale en Joernalistiek studeer en is sedert 2007 by Protea Boekhuis werksaam as redakteur en vertaler van Engelse, Duitse en Nederlandse tekste. Die Afrikaanse vertalings van die klassieke Die lewe en werke van kabouters en Die oproep van die kabouters wat in 2010 verskyn het, tel onder haar gunstelingprojekte. Sy woon tans in Portland, Oregon in die VSA.

LESERSPROFIEL

Ouer jeug