Beskrywing
AGTERGROND
Die versiemaker Philip de Vos en die kunstenaar Piet Grobler skep prettige rympies en illustrasies.
Karnaval van die diere is geïnspireer deur die komponis Camille Saint-Saëns se Le carnaval des animaux (1886).
In Vandag is ek ‘n windlawaai is Philip de Vos deur Robert Schumann se musiek en titels geïnspireer om versies van sy eie te maak.
OOR DIE OUTEUR
Philip de Vos is ’n bekroonde skrywer, fotograaf en versiemaker van formaat en is in 2015 beloon met ’n KykNET Fiësta Lewensbydrae vir Musiek, Woord- en Visuele kuns in Suid-Afrika. As kind wou hy dolgraag sirkusnar word – en vandag laat hy met die humor in sy werk ’n ieder en ’n elk glimlag. Hy is baie lief vir diere en goggas, en het nog nooit eens ’n mier met opset doodgetrap nie.
OOR DIE ILLUSTREERDER
Piet Grobler is ’n bekroonde illustreerder wat met sy kunswerke stories vertel. Hy het al meer as 80 boeke geïllustreer en illustrasiewerk vir verskeie tydskrifte en koerante gedoen insluitende Sunday Times, De Kat, Insig, Sarie en Taalgenoot. Hy was senior dosent en kursusleier in Illustrasie aan die Universiteit van Worcester in England.
LESERSPROFIEL
Kinders (kleuters, voorskool, jeug en tieners) en volwassenes
Resensies
Daar is tans geen resensies nie.