O, die dinke wat jy kan dink!

Description

AGTERGROND

Jy kan dink aan voëls.

Begin sommer nou.

Jy kan dink aan geel.

Jy kan dink aan blou …

Dink links en dink regs,

dink heen en dink weer.

O, die DINKE wat jy kan

dink, as jy net wil probeer!

Leer om jou verbeelding te gebruik en ontdek al die dinge wat jy kan DINK met ’n bietjie hulp van Dr. Seuss. Lees Dr. Seuss se gewilde Oh, the Thinks You Can Think! vir die eerste keer in Afrikaans!

 

OOR DR. SEUSS

Theodor Seuss Geisel (1904 –1991) is een van die bekendste en geliefste kinderboekskrywers van alle tye. Hy het ongeveer 60 kinderboeke geskryf en geïllustreer, waarvan 600 miljoen eksemplare verkoop is en vertalings in 20 tale beskikbaar is. Protea Boekhuis publiseer in 2019 die volgende Engelse titels: What pet should I get?; How the Grinch stole Christmas!; Horton hears a Who! en One fish two fish red fish blue fish.

 

OOR DIE VERTALER

Jaco Jacobs is ’n bekroonde vertaler en outeur. Sy outeursloopbaan het al op skool begin, toe hy aan verskeie kompetisies vir aspirantskrywers deelgeneem en sy eerste kort stories in tydskrifte verskyn het. Tot op hede het Jaco al meer as 170 boeke vir kinders en jongmense gepubliseer, waaronder prenteboeke, kinderverse en niefiksie. Meer as eenmiljoen eksemplare van sy boeke is al verkoop en hy is tans een van die toperverkoperskrywers in Suid-Afrika. Daarby het hy al meer as 300 kinderboeke in Afrikaans vertaal. Jaco glo humor is een van die kernbestanddele in enige prettige kinderboek en sy boeke en vertalings word deur ’n sterk element van pret gekenmerk.

 

LESERSPROFIEL

Kleuters, voorskool en jeug