Beskrywing
AGTERGROND
Die klein vet hondjie slaap die heel graagste die hele dag lank in sy hondehok. Maar wat gebeur as hy die dag lus is om te speel? Dit hang heeltemal af van sy bui en wie sy pad sal kruis! Daarom word dié storie elke keer anders verder vertel, totdat die klein vet hondjie eindelik weer by sy hok ingaan om te slaap. Drie heeltemal verskillende stories wat uit die eerste sin spruit en wat die leser na willekeur kan lees en geniet.
OOR DIE OUTEUR
Hans Peter Willberg (1930-2003) was ’n tipograaf, illustreerder, boekontwerper, onderwyser en outeur van niefiksie-boeke. Hy word beskou as een van die mees belangrike boekontwerpers ná die Tweede Wêreldoorlog.
OOR DIE ILLUSTREERDER
Peter Beckhaus (1956) is ’n grafiese ontwerper wat saam met sy familie in Mainz woon. Hy was een van Hans Peter Willberg se studente, en later ook vir baie jare sy kollega.
OOR DIE VERTALER
Dr Nicol Stassen is die besturende direkteur van Protea Boekhuis. Hy het ’n BA-graad in tale, ’n meestersgraad in chemiese ingenieurswese en ’n doktorsgraad in geskiedenis. Hy is ’n navorsingsgenoot by die Universiteit van Pretoria. Hy het reeds verskeie kinderboeke uit o.a. Deens, Duits, Engels en Nederlands in Afrikaans vertaal. Verder is hy die outeur van boeke soos Afrikaners in Angola 1928-1975 (2010) en William Chapman – Reminiscences (2011).
LESERSPROFIEL
Kleuters en voorskool
Resensies
Daar is tans geen resensies nie.