Beskrywing
AGTERGROND
Koning Kuttel het ’n bietjie bly vassteek in sy piepie- en poeffase. Elke jaar laat kom hy sy minister van Binnelandse Poefsake om die Groot Poefwedstryd te organiseer. Vanaf sy kasteel se balkon sien Koning Kuttel dan ’n optog van verruklike poefkunswerke voor hom verbykom. Wie se naam gaan hierdie keer deur die koninklike kneg uitgebeitel word in die gedenksteen met al die wenners van die Groot Poefwedstryd?
’n Waarheidsgetroue verslag van die buitengewoon kunstige kompetisie van 2012.*
Opgeteken en van pragtige prente voorsien deur u verslaggewer aldaar, Guido van Genechten.
* Nie vir sensitiewe neuse nie.
Ook beskikbaar in Engels: The Big Poop Contest
OOR DIE OUTEUR & ILLUSTREERDER
Guido van Genechten het in 1998 die Prys van die stad Hasselt met Rikki gewen en is sindsdien voltyds besig om nuwe karakters te skep waarmee hy die harte van peuters en kleuters verower. Sy prenteboeke word in meer as 30 lande verkoop. Omdat ek so lief is vir jou is ’n gunsteling waarvan daar al meer as 200 000 eksemplare verkoop is.
OOR DIE VERTALER
Shané Kleyn (1986) is sedert 2010 Protea Boekhuis se kinder- en jeugboekredakteur. Sy het reeds verskeie kinderboeke uit o.a. Engels en Nederlands in Afrikaans vertaal.
LESERSPROFIEL
Kleuters, voorskool, jeug
Resensies
Daar is tans geen resensies nie.