Die beroemde vyf: Vyf vat saam die pad (3)

Beskrywing

AGTERGROND

“Ons wil nie hê die smokkelaars moet weet
dat ons hulle speletjie agtergekom het nie.
Ons wil hulle probeer vastrek!”

Die vyf vriende ontdek ’n geheimsinnige trommel op Kirrin-eiland en hulle vermoed onraad. Maar dan hoor hulle ’n kind in die middel van die nag skree! Wie is saam met hulle op die eiland, en hoekom?

Pragtige nuwe omslagkuns deur Laura Ellen Anderson maak dié klassieke reeks vir moderne jong lesers toeganklik. 

MEER OOR DIE OUTEUR 

Enid Blyton is een van die gewildste en mees vertaalde kinderboekskrywers van alle tye. Meer as 500 miljoen eksemplare van haar boeke is al wêreldwyd verkoop. Enid was versot daarop om vir kinders te skryf. Sy het meer as 600 boeke en honderde kortverhale geskryf. Die Beroemde vyf-reeks (oftewel The Famous Five), vandag al 75 jaar oud, is die heel gewildste.

MEER OOR DIE ILLUSTREERDER

Laura Ellen Anderson is ’n kinderboekskrywer en -illustreerder en woon in Noord-Londen. Laura se eerste prenteboek vir kinders, I Don’t Want Curly Hair, het in 2017 by Bloomsbury verskyn. Haar geïllustreerde kinderfiksiereeks, Amelia Fang, is al in meer as 20 tale wêreldwyd vertaal. 

MEER OOR DIE VERTALER

Amelia de Vaal het Europese Tale en Joernalistiek studeer en werk al sedert 2007 by Protea Boekhuis as redakteur en vertaler van Engelse, Duitse en Nederlandse boeke. Die Afrikaanse vertaling van die klassieke boeke Die lewe en werke van kabouters en Die oproep van die kabouters wat in 2010 by Protea Boekhuis verskyn het, was een van haar gunstelingprojekte. Sy woon tans in Portland, Oregon, in die VSA.

LESERSPROFIEL

Jeug (ouer)