Beskrywing
AGTERGROND
Arme bleek Bennie Botha hoes elke aand dat die mure bewe en sy bed kraak. Sy ma se stink salf en die dokters se stoommasjien help net mooi niks nie. Bennie se beste vriend Piet (dis nou die spinnekop wat ook in Bennie se kamer bly) kla boonop dat Bennie se gehoes hom uit die slaap hou! Bleek Bennie is sowaar MOEG vir die HOES wat hom elke aand so wakker hou. Sal hy ’n plan kan maak om daarvan ontslae te raak?
OOR DIE OUTEUR
Keina Swart is die redakteur van Bela-Bela (voorheen Warmbad) se streekskoerant Die Posnuus en ma van twee dogters en ’n seun. Sy is die skrywer van Hoekom praat grootmense so snaaks? (2010) wat ’n ATKV-veertjie wenner is vir die selfleeskategorie (graad 1-3).
LESERS
Saamleesboek vir kinders 4 jaar en ouer. Veral seuntjies wat hou van spinnekoppe en kinders wat soms hoes sal hierdie boek geniet.
Resensies
Daar is tans geen resensies nie.