|
Een van ons geliefde skrywers, Celeste Slabber-Loriston, se Kwini-Lee en die kuberkraker en Pagama vir die Six is onlangs as finaliste aangewys by NB-Uitgewers se Jeugboekpryse 2023 (Kinderverhaal; Tiener-Jongvolwasseneverhaal). Voorheen het haar storie Jinx met die ATKV-Woordveertjie weggestap. Ook is die magiese Alias uit haar kreatiewe brein gebore. Sy is duidelik ’n skrywer wat kan toor met die pen …
“As skrywer hoop ’n mens om ‘raak-gelees’ te word. Dat iemand van jou storie hou. Daarna hoop jy om op die Top 10 te kom. Wanneer jy egter die Top 3 behaal van twee verskillende kategorieë, besef jy dat jou stories hul plek in lesers se boekrakke kan volstaan. Stories loop lang paaie met skrywers en wanneer dit uiteindelik in boekvorm verskyn is die pad in die skrywer se hart voltooi; word dit vrygelaat vir die leser om te verdwaal in die kreatiewe wêreld van stories en karakters. Net dan kan hul lewe, in die harte van die lesers.” |
